തിരുവനന്തപുരം: പാലായില്‍ നടക്കുന്ന സംസ്ഥാന ജൂനിയര്‍ കായികമേളയ്ക്കിടെ ഹാമര്‍ കൊണ്ട് പരിക്കേറ്റ സംഭവത്തില്‍ അത്‌ലറ്റിക് ഭാരവാഹികള്‍ക്കെതിരെ കേസെടുത്തു. ചാംപ്യന്‍ഷിപ്പ് അശ്രദ്ധമായി കൈകാര്യം ചെയ്തതിനാണ് കേസ്.

സംസ്ഥാന ജൂനിയര്‍ അത്ലറ്റിക്ക് മീറ്റില്‍ ഹാമര്‍ ത്രോ മത്സരത്തിനിടെ പ്ലസ് വണ്‍ വിദ്യാര്‍ഥി അബേല്‍ ജോണ്‍സണിനാണ് തലയില്‍ ഹാമര്‍ വീണ് ഗുരുതരമായി പരുക്കേറ്റത്. ആബേല്‍ ഇപ്പോള്‍ കോട്ടയം മെഡിക്കല്‍ കോളജ് ആശുപത്രിയില്‍ വെന്റിലേറ്ററിലാണ്.പാലായില്‍ നടക്കുന്ന മത്സരത്തിനിടെ ആബേല്‍ തന്റെ അവസരത്തിന് ശേഷം മാറി നിന്ന് മറ്റുള്ളവരുടെ പ്രകടനം വീക്ഷിക്കുകയായിരുന്നു. ഇതിനിടെയാണ് മറ്റൊരു മത്സരാര്‍ഥി എറിഞ്ഞ ഹാമര്‍ വിദ്യാര്‍ഥിയുടെ തലയില്‍ വീണത്.