കൊച്ചി: പുതുവൈപ്പിലെ ജനവാസ കേന്ദ്രത്തില്‍ ഐ.ഒ.സി പ്ലാന്റ് സമരത്തിനു നേരെ നടന്ന ലാത്തിച്ചാര്‍ജില്‍ പ്രതിഷേധിച്ച് എല്‍.പി.ജി ടെര്‍മിനല്‍ വിരുദ്ധ സമരസഹായ സമിതി ഇന്ന് ജില്ലയില്‍ ഹര്‍ത്താലിന് ആഹ്വാനം ചെയ്തു. തീരദേശ ഹര്‍ത്താല്‍ നടത്താന്‍ കേരള സ്വതന്ത്ര മത്സ്യത്തൊഴിലാളി ഫെഡറേഷന്‍ ജില്ലാ കമ്മിറ്റി തീരുമാനിച്ചു. കൊച്ചി, ചെല്ലാനം ഹാര്‍ബറുകളിലെ മത്സ്യത്തൊഴിലാളികള്‍ മത്സ്യബന്ധനം ഉപേക്ഷിച്ച് സമരത്തിന്റെ ഭാഗമാകും.