നീലേശ്വരം: പടന്നക്കാട് കാര്‍ഷിക കോളജില്‍ നിര്‍മിച്ച ഗസ്റ്റ് ഹൗസ് ഉദ്ഘാടനത്തിനൊരുങ്ങി. 30 ലക്ഷം രൂപ ചെലവഴിച്ചാണ് ഗസ്റ്റ് ഹൗസ് നിര്‍മിച്ചത്. കെട്ടിടത്തിന്റെ പണികള്‍ ഇതിനകം പൂര്‍ത്തിയായി. കോളജിന്റെ ശതാബ്ദി ആഘോഷത്തിന്റെ ഭാഗമായി ലഭിച്ച ഒരു കോടി രൂപയില്‍ നിന്നാണ് ഗസ്റ്റ്ഹൗസ് നിര്‍മാണത്തിനാവശ്യമായ രൂപ വകയിരുത്തിയത്.  മുഖ്യമന്ത്രി, കൃഷി മന്ത്രി തുടങ്ങിയവരെ പങ്കെടുപ്പിച്ച് ഉദ്ഘാടനം നടത്താനാണ് കോളജ് അധികൃതരുടെ ശ്രമം.
        ഉദ്ഘാടനത്തിന്റെ ഭാഗമായി കുള്ളന്‍ തെങ്ങുകളുടെ തോട്ടം നിര്‍മിക്കാനും പദ്ധതിയുണ്ട്. ശതാബ്ദിയുടെ ഓര്‍മയ്ക്കായി 100 തെങ്ങിന്‍ തൈകള്‍ ഒരേസമയം നട്ടാണു തോട്ടം നിര്‍മിക്കുക.