കക്കട്ടില്‍: മീത്തല്‍വയല്‍ ശാഖാ മുസ്‌ലിം ലീഗ് കമ്മിറ്റിയുടെയും വിദ്യാഭ്യാസ സമിതിയുടെയും ആഭിമുഖ്യത്തില്‍ എസ്.എസ്.എല്‍.സി, പ്ലസ് ടു ഉന്നത വിജയികളെ അനുമോദിക്കുകയും ഇഫ്താര്‍ സംഗമവും നടത്തി.
മീത്തല്‍വയല്‍ എല്‍.പി സ്‌കൂളില്‍ വച്ച് നടന്ന പരിപാടി നരിപ്പറ്റ ഗ്രാമപഞ്ചായത്ത് വൈസ് പ്രസിഡന്റ് ടി.പി പവിത്രന്‍ ഉദ്ഘാടനം ചെയ്തു. കെ.എം ഹമീദ് അധ്യക്ഷനായി. മഹല്ല് ഖാസി അബ്ബാസ് ദാരിമി പ്രാര്‍ത്ഥന നടത്തി.
മഹല്ല് പ്രസിഡന്റ് എം.വി അബ്ദുറഹിമാന്‍ മാസ്റ്റര്‍ അവാര്‍ഡുകള്‍ വിതരണം ചെയ്തു. ടി.പി.എം തങ്ങള്‍ മുഖ്യ പ്രഭാഷണം നടത്തി. ഹാരിസ് റഹ്മാനി ഉദ്‌ബോധന പ്രസംഗം നടത്തി. സമൂഹ നോമ്പുതുറയും നടന്നു.