കോഴിക്കോട്: ഇതരസംസ്ഥാന തൊഴിലാളികളെ  കേന്ദ്രീകരിച്ച് കഞ്ചാവ് വില്‍പന നടത്തുന്ന ബംഗാള്‍ സ്വദേശികള്‍ പിടിയില്‍. അക്കസ് അലി മകന്‍ കുത്ത്ബുദ്ദീന്‍ അഹമ്മദ് (33), നമാജി സേക് മകന്‍ നന്തു സേക്(29) എന്നിവരെയാണ് അര കിലോ കഞ്ചാവുമായി കോഴിക്കോട് എക്‌സെസ് സര്‍ക്കിള്‍ ഓഫിസിലെ എക്‌സൈസ് ഇന്‍സ്‌പെക്ടര്‍ പി. മുരളീധരനും സംഘവും പിടികൂടിയത്. ചെറൂപ്പ ടൗണിന് സമീപം ഇവര്‍ താമസിക്കുന്ന സ്ഥലത്തുവച്ചാണ് പിടികൂടിയത്. ദിവസങ്ങളായി ഇവരുടെ താമസ സ്ഥലം എക്‌സൈസിന്റെ നിരീക്ഷണത്തിലായിരുന്നു.
ഇവരെ പിന്നീട് കുന്ദമംഗലം ഒന്നാം ക്ലാസ് മജിസ്‌ട്രേറ്റ് കോടതി മുന്‍പാകെ ഹാജരാക്കി.