കാലിഫോര്‍ണിയ: യു.എസിലെ കാലിഫോര്‍ണിയയില്‍ ബാറിലുണ്ടായ വെടിവയ്പ്പില്‍ 13 പേര്‍ കൊല്ലപ്പെട്ടു. ദക്ഷിണ കാലിഫോര്‍ണിയയിലെ വെന്‍ചുറ കൗണ്ടിയിലെ ബാറിലാണ് സംഭവം. കോളജ് വിദ്യാര്‍ഥികളായിരുന്നു ബാറിലുണ്ടായിരുന്നത്.

വെടിവച്ചയാളെ പൊലിസ് വെടിവച്ചു കൊന്നിട്ടുണ്ട്. പത്തുപേര്‍ക്ക് വെടിവയ്പ്പില്‍ പരുക്കേറ്റിട്ടുണ്ട്.

രാത്രി 11.20 ഓടെയാണ് ഇതുസംബന്ധിച്ച ആദ്യ റിപ്പോര്‍ട്ട് പുറത്തുവന്നത്. ഓട്ടോമാറ്റിക് ആയുധങ്ങള്‍ ഉപയോഗിച്ചാണ് അക്രമി വെടിയുതിര്‍ത്തത്. ഇടയ്ക്ക് ബോംബുകളും എറിഞ്ഞു.

30 തവണ വെടിയുതിര്‍ത്തുവെന്ന് പൊലിസ് പറഞ്ഞു. ബാറിന്റെ ജനാല വഴിയാണ് അകത്തുള്ളവരെ രക്ഷപ്പെടുത്തിയത്.