തളിപ്പറമ്പ് : അപകടത്തെ തുടര്‍ന്ന് ചികിത്സയിലായിരുന്ന തളിയിലെ പ്രമുഖ തെയ്യം കലാകാരന്‍ സുമേഷ് പെരുവണ്ണാന് കൈതാങ്ങായി വാട്‌സ് ആപ് കൂട്ടായ്മ. സുഹൃത്തുക്കളും തെയ്യപ്രേമികളുമടങ്ങുന്ന തെയ്യക്കാഴ്ചകള്‍ എന്ന വാട്‌സ് ആപ് കൂട്ടായ്മ നല്‍കിയ ഓട്ടോറിക്ഷ ഇനി സുമേഷിന്റെ ജീവിതത്തിന് താങ്ങും തണലുമാകും.
കഴിഞ്ഞ ഫെബ്രവരി 21 ആണ് അഴീക്കോട് മുച്ചിരിയന്‍ കാവില്‍ ബപ്പിരിയന്‍ തെയ്യം കെട്ടിയാടുന്നതിനിടയില്‍ തെങ്ങില്‍ നിന്ന് വീണ് ഗുരുതര പരിക്കേറ്റത് മാസങ്ങളോളം ചികിത്സയിലായിരുന്ന സുമേഷിന് തെയ്യപ്രേമികളുടെ വാട്‌സ ആപ് കൂട്ടായ്മയിലാണ് ചികിത്സ ചെലവ് സമാഹരിച്ചത.് തെയ്യകാഴ്ചകള്‍ എന്നു പേരു നല്‍കിയ ഓട്ടോറിക്ഷയുടെ താക്കോല്‍ദാനം ആന്തൂര്‍ എഎല്‍പി സ്‌കൂളില്‍വെച്ച് നടന്ന ചടങ്ങില്‍ പി.കെ ശ്രീമതി എംപി നിര്‍വ്വഹിച്ചു.  ട്രാവല്‍ കണ്ണൂര്‍ ഡോട്ട്‌കോമുമായി സഹകരിച്ച് തെയ്യങ്ങളെ ആസ്പദമാക്കി നടത്തിയ ചിത്രരചന മത്സരവിജയികള്‍ക്കുള്ള സമ്മാനദാനം ഫോക്‌ലോര്‍ അക്കാദമി സെക്രട്ടറി എ.കെ നമ്പ്യാര്‍ നിര്‍വഹിച്ചു. എം.വി ജനാര്‍ദ്ദനന്‍, നന്ദകുമാര്‍ കോറോത്ത് എന്നിവര്‍ സംസാരിച്ചു