കോഴിക്കോട്:മരിച്ച റോയിയുടെ സഹോദരനും പരാതിക്കാരനുമായ റോജോയെ മൊഴിയെടുക്കുന്നതിനായി അമേരിക്കയില്‍ നിന്നും വിളിച്ചുവരുത്താന്‍ ക്രൈംബ്രാഞ്ച് തീരുമാനം.

റോജോയുടെ ഇടപെടലാണ് കേസ് വീണ്ടും ഉയര്‍ന്നുവരാനും അന്വേഷണം ശരിയായ ദിശയില്‍ നീങ്ങാനും ഇടയായത്. കഴിഞ്ഞ മാസം അമേരിക്കയില്‍ നിന്നെത്തിയ റോജോ താമരശേരി പൊലിസില്‍ നിന്ന് വിവരാവകാശ രേഖയെടുത്ത് മരണങ്ങളുടെയെല്ലാം വിശദാംശങ്ങള്‍ ശേഖരിച്ചിരുന്നു. തുടര്‍ന്ന് ഈ വിവരങ്ങളും തന്റെ സംശയങ്ങളും ചേര്‍ത്ത് റൂറല്‍ എസ.്പിക്ക് റോജോ പരാതി നല്‍കി. വടകര എസ്.പിയായി കെ ജി സൈമണ്‍ ചാര്‍ജ് എടുത്തതോടെ കേസ് വീണ്ടും പരിശോധിച്ചു.

റോയിയുടേയും റോജോയുടേയും സഹോദരിയായ റെഞ്ചിയില്‍ നിന്നും നേരത്തെ മൊഴിയെടുത്തിരുന്നു. ചോദ്യം ചെയ്യാനുള്ളവരുടെ വിശദമായ പട്ടിക തയാറാക്കുമെന്നും അന്വേഷണ സംഘത്തെ വിപുലീകരിച്ചേക്കുമെന്നും ഉദ്യോഗസ്ഥര്‍ പറഞ്ഞു.