കല്‍പ്പറ്റ: സാക്ഷരതാ മിഷന്റെ നേതൃത്വത്തില്‍ മികച്ച രീതിയില്‍ ഇംഗ്ലീഷ്, മലയാളം ഭാഷകള്‍ കൈകാര്യം ചെയ്യുന്നതിന് ആരംഭിച്ച ഗുഡ് ഇംഗ്ലീഷ്, പച്ച മലയാളം കോഴ്‌സുകളുടെ ജില്ലാതല ക്ലാസുകള്‍ ആരംഭിച്ചു.
ജില്ലാ പഞ്ചായത്ത് പ്രസിഡന്റ് കെ.ബി നസീമ പഠിതാക്കളായ രമേശന്‍, ത്വാഹാക്കുട്ടി എന്നിവര്‍ക്ക് പാഠപുസ്തകം നല്‍കി ക്ലാസുകളുടെ ഉദ്ഘാടനം നിര്‍വഹിച്ചു.
ജില്ലാ പഞ്ചായത്തില്‍ നടന്ന ചടങ്ങില്‍ വൈസ് പ്രസിഡന്റ് എ പ്രഭാകരന്‍ അധ്യക്ഷനായി. ജില്ലാ പഞ്ചായത്തംഗം പി ഇസ്മായില്‍, സാക്ഷരതാ മിഷന്‍ ജില്ലാ കോര്‍ഡിനേറ്റര്‍ നിര്‍മല റേച്ചല്‍ ജോയ്, ആദിവാസി സാക്ഷരതാ കോര്‍ഡിനേറ്റര്‍ പി.എന്‍ ബാബു, മുന്‍കാല സാക്ഷരതാ പ്രവര്‍ത്തകന്‍ മംഗലശ്ശേരി നാരായണന്‍, നോഡല്‍ പ്രേരക്മാരായ എ. മുരളീധരന്‍, പി.വി വാസന്തി, കെ.വി വത്സല, എം ലീല, ഗ്ലാഡിസ് കെ പോള്‍, കെ ചിത്രാദേവി, പി.ജി ഷിന്‍സി, പി.വി ഗിരിജ, കെ.എം ജിന്‍സി, ഓഫിസ് സ്റ്റാഫ് പി.വി ജാഫര്‍ സംസാരിച്ചു.