കണ്ണൂര്‍: ലഹരി ഗുളികകളുമായി യുവാവിനെ റെയില്‍വേ സംരക്ഷണ സേന അറസ്റ്റുചെയ്തു. കാസര്‍കോട് വിദ്യാനഗറിലെ ഷംനാസ് മന്‍സിലില്‍ കെ. അന്‍സീറിനെ (40)യാണ് റെയില്‍വേ സംരക്ഷണ സേന കണ്ണൂരില്‍ പിടികൂടിയത്.
നിസാമുദീന്‍-എറണാകുളം മംഗള എക്‌സ്പ്രസിന്റെ ജനറല്‍ കംപാര്‍ട്ട്‌മെന്റില്‍ 292 സാപ്‌സ്‌മോ പ്രോക്‌സിവന്‍ പ്ലസ് ലഹരി ഗുളികകളുമായി എക്‌സൈസ് സ്‌പെഷല്‍ സ്‌ക്വാഡ് ഇന്‍സ്‌പെക്ടര്‍ പ്രതീഷ് കുമാര്‍, എക്‌സൈസ് ഇന്റലിജന്‍സിലെ ദിലീപ്, ആര്‍.പി.എഫ് എസ്.ഐ വി. സുമിത്ത്, ഉദ്യോഗസ്ഥരായ പി.പി ബിനീഷ്, എം. പ്രവീണ്‍, എം. റഷീദ് എന്നിവര്‍ ചേര്‍ന്നു പിടികൂടിയത്. അര്‍ബുദ രോഗികള്‍ ഉപയോഗിക്കുന്ന വേദന സംഹാരിയായ ഗുളികകളാണു പിടികൂടിയത്.