മംഗളൂരു: കാര്‍ മോഷ്ടിച്ചു കടത്തിയ കേസിലെ പ്രതി 17 വര്‍ഷത്തിനു ശേഷം പിടിയിലായി. കുശാല്‍ഗനര്‍ കുഡിഗെ സ്വദേശിയും സുള്ള്യയില്‍ താമസക്കാരനുമായ ബി.എം ഹനീഫയെ (49)യാണ് പുത്തൂര്‍ പൊലിസ് അറസ്റ്റു ചെയ്തത്. 2001 മാര്‍ച്ച് എട്ടിനാണ് കേസിനാസ്പദമായ സംഭവം നടന്നത്.
മംഗളൂരു ഹമ്പന്‍കട്ടയിലെ ജയന്ത എന്നയാളുടെ കാര്‍ വാടകയ്‌ക്കെടുത്ത് ഹനീഫും സുഹൃത്ത് സുധീര്‍ പ്രഭുവും സകലേശ്പുരയില്‍ പോയിരുന്നു. 13നുതിരിച്ചെത്തി ഹോട്ടല്‍ പരിസരത്ത് കാര്‍ പാര്‍ക്കു ചെയ്യുകയും ഇവിടെനിന്ന് ജയന്ത പുറത്തുപോയ തക്കം നോക്കി ഹനീഫും സുധീറും കാര്‍ മോഷ്ടിച്ച് കടന്നുകളയുകയുമായിരുന്നുവെന്നാണ് കേസ്.