തൊടുപുഴ: സ്‌കൂട്ടറിന് പിന്നില്‍ സ്വകാര്യ ബസിടിച്ച് സഹോദരങ്ങള്‍ക്ക് പരിക്കേറ്റു. ഏഴുമുട്ടം അറയ്ക്കല്‍ തോട്ടത്തില്‍ ചാള്‍സ് ആന്റണിയുടെ മക്കളായ ലിനറ്റ്(19), നിക്കോള്‍സ്(14) എന്നിവര്‍ക്കാണ് പരിക്ക്.
തൊടുപുഴ ന്യൂമാന്‍ കോളജിലെ രണ്ടാം വര്‍ഷ സുവോളജി വിദ്യാര്‍ഥിനിയായ ലിനറ്റും നിര്‍മല പബ്ലിക് സ്‌കൂളിലെ ഒന്‍പതാം ക്ലാസ് വിദ്യാര്‍ഥിയായ നിക്കോളാസും രാവിലെ വീട്ടില്‍ നിന്നും വരുന്ന വഴി സ്‌കൂട്ടറിനു പിന്നില്‍ ബസ് ഇടിക്കുകയായിരുന്നു.
ഇടിയുടെ ആഘാതത്തില്‍ റോഡിലേയ്ക്ക് മറിഞ്ഞു വീണ ലിനറ്റിന് തലയ്ക്കാണ് പരിക്ക്. നിക്കോള്‍സിന് വലതു കാലിനു ചതവും സംഭവിച്ചു. ഇരുവരെയും മുതലക്കോടം സെന്റ് ജോര്‍ജ് ആശുപത്രിയില്‍ പ്രവേശിപ്പിച്ചു.