അമ്പലപ്പുഴ: മരം കടപുഴുകി വീണ് കാറും ബൈക്കും ഭാഗീകമായി തകര്‍ന്നു. ആലപ്പുഴ വണ്ടാനം മെഡിക്കല്‍ കോളേജ് വളപ്പില്‍ മെഡിസിന്‍ വിദ്യാര്‍ത്ഥികളുടെ വിശ്രമകേന്ദ്രത്തിന് സമീപത്ത് നിന്ന മരമാണ് കടപുഴി വീണത്. ഇന്നലെ രാവിലെ 11 ഓടെയായിരുന്നു സംഭവം. മരചുവട്ടില്‍ പാര്‍ക്ക് ചെയ്തിരുന്ന ഡോ. മുഹമ്മദിന്റെ കാറും തൊട്ട് അടുത്ത് പാര്‍ക്ക് ചെയ്തിരുന്ന മെഡിസിന്‍ വിദ്യാര്‍ത്ഥി മുഹമ്മദ് സഹലിന്റെ ബൈക്കുമാണ് ഭാഗീകമായി തകര്‍ന്നത്. മരത്തിന് ചുറ്റും വിദ്യാര്‍ത്ഥികള്‍ക്ക് വിശ്രമിക്കാനായി നാല് വശവും കല്‍കെട്ട് തീര്‍ത്തിരുന്നു.