മടിക്കേരി: കൊട്ടഗേരിയില്‍ കാപ്പിതോട്ടത്തില്‍ കടുവയെ ചത്ത നിലയില്‍ കണ്ടെത്തി. മാച്ചംഗട നവീന്‍ എന്നയാളുടെ തോട്ടത്തിലാണ് കഴിഞ്ഞ ദിവസം വൈകുന്നേരം കടുവയെ ചത്ത നിലയില്‍ കണ്ടെത്തിയത്. തോട്ടത്തില്‍ ജോലി ചെയ്യുന്നവര്‍ വിവരമറിയിച്ചതിനെ തുടര്‍ന്ന് കടുവ സംരക്ഷണ വിഭാഗം ചെയര്‍മാന്‍ മണികന്തന്‍, വന്യജീവി വിഭാഗം മേധാവി പ്രസന്നകുമാര്‍, ശിവറാം തുടങ്ങിയവര്‍ സ്ഥലത്തെത്തി പരിശോധന നടത്തി.