കണ്ണൂര്‍: രാജ്യാന്തര റബീഅ് കോണ്‍ഫറന്‍സിന് കണ്ണൂര്‍ ഒരുങ്ങി. എസ്.കെ.എസ്.എസ്.എഫ് ജില്ലാ കമ്മിറ്റിയുടെ ആഭിമുഖ്യത്തിലാണ് 11ന് കണ്ണൂര്‍ കലക്ടറേറ്റ് മൈതാനിയില്‍ രാജ്യാന്തര റബീഅ് കോണ്‍ഫറന്‍സ് നടക്കുന്നത്. വൈകിട്ട് നാലിന് പാണക്കാട് ഹൈദരലി ശിഹാബ് തങ്ങള്‍ ഉദ്ഘാടനം നിര്‍വഹിക്കും.
ഖത്തര്‍, സഊദി അറേബ്യ, യു.എ.ഇ എന്നീ രാജ്യങ്ങളിലെ പ്രമുഖര്‍ ചടങ്ങില്‍ പങ്കെടുക്കും. ഖലീല്‍ ഹുദവി കാസര്‍കോട് മുഖ്യപ്രഭാഷണം നടത്തും. പാണക്കാട് ഹമീദലി ശിഹാബ് തങ്ങള്‍, സമസ്ത വിദ്യാഭ്യാസ ബോര്‍ഡ് പ്രസിഡന്റ് പി.കെ.പി അബ്ദുസ്സലാം മുസ്‌ലിയാര്‍, സമസ്ത കേന്ദ്ര സെക്രട്ടറി പി.പി ഉമര്‍ മുസ്‌ലിയാര്‍, കേന്ദ്ര മുശാവറ അംഗങ്ങളായ ടി.എസ് ഇബ്രാഹിം മുസ്‌ലിയാര്‍, കെ.പി.പി അബ്ദുല്ല മുസ്‌ലിയാര്‍ പങ്കെടുക്കും. പ്രാര്‍ഥനാസദസിന് സമസ്ത കേന്ദ്ര മുശാവറ അംഗം മാണിയൂര്‍ അഹ്മദ് മുസ്‌ലിയാര്‍ നേതൃത്വം നല്‍കും.
ചടങ്ങില്‍ ബുര്‍ദ, ഖവാലി സംഘങ്ങള്‍ അണിനിരക്കുന്ന പ്രവാചക പ്രകീര്‍ത്തന സദസ് അരങ്ങേറും. പാപ്പിനിശ്ശേരിയിലെ സഹചാരി ഡയാലിസിസ് കേന്ദ്രത്തിലേക്കു നല്‍കുന്ന ഡയാലിസിസ് യന്ത്രസമര്‍പ്പണം പാലത്തായി മൊയ്തുഹാജി നിര്‍വഹിക്കും.
കോണ്‍ഫറന്‍സിന്റെ ഭാഗമായി നടത്തിയ ആദര്‍ശ പരീക്ഷയിലെ വിജയികളെ പരിപാടിയില്‍ പ്രഖ്യാപിക്കും. അഹ്മദ് ബഷീര്‍ ഫൈസി, ഷഹീര്‍ പാപ്പിനിശ്ശേരി, അബ്ദുല്‍ ശുക്കൂര്‍ ഫൈസി, അബ്ദുല്‍ ജലീല്‍ ഹസനി, സുറൂര്‍ പാപ്പിനിശ്ശേരി വാര്‍ത്താസമ്മേളനത്തില്‍ പങ്കെടുത്തു.