മുട്ടില്‍: റമദാന്‍ കാംപയിന്റെ സമാപനത്തോടനുബന്ധിച്ച് ഡബ്ല്യു.എം.ഒയില്‍ ദുആ മജ്‌ലിസും ഇഫ്താര്‍ വിരുന്നും സംഘടിപ്പിച്ചു. സമസ്ത മുശാവറ അംഗങ്ങളായ വാവാട് കുഞ്ഞിക്കോയ മുസ്‌ലിയാര്‍, കെ.ടി ഹംസ മുസ്‌ലിയാര്‍, സമസ്ത ജില്ലാ സെക്രട്ടറി എസ്. മുഹമ്മദ് ദാരിമി, ജംഇയ്യത്തുല്‍ മുഅല്ലിമീന്‍ സംസ്ഥാന ട്രഷറര്‍ എം.എം ഇമ്പിച്ചികോയ മുസ്‌ലിയാര്‍ തുടങ്ങിയവര്‍ നേതൃത്വം നല്‍കി. 

ഡബ്ല്യു.എം.ഒയിലെ കുട്ടികള്‍ക്ക് ഖത്തര്‍ വെല്‍ഫെയര്‍ കമ്മിറ്റിയുടെ പെരുന്നാള്‍ വസ്ത്രങ്ങള്‍ വിതരണം ചെയ്തു. വിതരണോദ്ഘാടനം ഡബ്ല്യു.എം.ഒ ഖത്തര്‍ ചാപ്റ്ററിന്റെ മുന്‍ സെക്രട്ടറി പി.കെ മുസ്തഫ മുട്ടില്‍, ഹസന്‍ ഹാജി ആറാം മൈല്‍, മൊയ്തു മക്കിയാട് (ഡബ്ല്യു.എം.ഒ ദുബൈ ചാപ്റ്റര്‍), ഡബ്ല്യു.എം.ഒ കമ്മിറ്റിയംഗം വി.പി അബൂബക്കര്‍ ഹാജി പൊയിലൂര്‍ എന്നിവര്‍ ചേര്‍ന്ന് നിര്‍വഹിച്ചു. ചടങ്ങില്‍ പ്രസിഡന്റ് കെ.കെ അഹ്മദ് ഹാജി, ട്രഷറര്‍ പി.പി അബ്ദുല്‍ ഖാദര്‍, പി.കെ അബൂബക്കര്‍ ജോ.സെക്രട്ടറിമാരായ മായന്‍ മണിമ, മുഹമ്മദ് ഷാ മാസ്റ്റര്‍ തുടങ്ങിയവര്‍ പങ്കെടുത്തു.