അലനല്ലൂര്‍: അലനല്ലൂര്‍ പാലക്കാഴി സ്വദേശി അന്‍സാറിന് പാമ്പ് പിടിത്തം ലഹരിയാണ്. സ്‌കൂളില്‍ പത്താം തരം മുതല്‍ പാമ്പ് പിടിത്തത്തില്‍ പ്രിയം കണ്ടെത്തിയ അന്‍സാര്‍ പഠനശേഷവും അതില്‍ സജീവമായി. തന്റെ 10 വര്‍ഷത്തിനിടയില്‍ ചെറിയ പാമ്പ് മുതല്‍ ഉഗ്രവിഷമുള്ള വലിയ പാമ്പുകളെവരെ ചാക്കിലാക്കിട്ടുണ്ട്.
പാമ്പുകളെ പിടികൂടാന്‍ മണ്ണാര്‍ക്കാട് ഫോറസ്റ്റ് അധികൃതരും മറു നാട്ടുകാരും അന്‍സാറിന്റെ സഹായം തേടുക പതിവാണ്. പിടികൂടുന്ന വിഷമുള്ള പാമ്പുകളെ ഫോറസ്റ്റ് അധികൃതരെ ഏല്‍പ്പിക്കുകയും അല്ലാത്തവയെ അധികൃതരുടെ സമ്മതത്തോടെ സമീപകാടുകളില്‍ വിടാറാണ് പതിവ്. അന്‍സാര്‍ ആശുപത്രി പടിയിലെ ചുമട്ട് തൊഴിലാളികൂടിയാണ്. തന്റെ ജോലി തിരക്കുകള്‍ക്കിടയിലും പാമ്പ് പിടിത്തത്തിനായി സമയം കണ്ടെത്തുന്ന അന്‍സാറിന് സഹ ജോലിക്കാരും പ്രോത്സാഹനം നല്‍കാറുണ്ട്.