കൊച്ചി: സിനിമാ ഷൂട്ടിങ്ങിനായ വിദേശ യാത്രയ്ക്കുള്ള ദിലീപിന്റെ അപേക്ഷ എറണാകുളം പ്രിന്‍സിപ്പല്‍ സെഷന്‍സ് കോടതി അനുവദിച്ചു. ഈ മാസം 15 മുതല്‍ ജനുവരി അഞ്ചുവരെ ബാങ്കോക്കിലേക്ക് പോകാനാണ് അനുവാദം ചോദിച്ചത്. പ്രഫ.ഡിങ്കന്‍ എന്ന സിനിമയുടെ ഷൂട്ടിങ്ങിനാണ് യാത്ര. യാത്രയ്ക്ക് ശേഷം തൊട്ടടുത്ത ദിവസം പാസ്‌പോര്‍ട്ട് കോടതിയില്‍ ഹാജരാക്കണമെന്നും കോടതി നിര്‍ദ്ദേശിച്ചു.

യാത്രയ്ക്ക് അനുമതി നല്‍കരുതെന്ന പ്രോസിക്യൂഷന്‍ ആവശ്യം കോടതി നിരസിച്ചു. യാത്ര അനുവദിച്ചാല്‍ വിചാരണ നീണ്ടുപോകുമെന്ന് പ്രോസിക്യൂഷന്‍ വാദിച്ചു. എന്നാല്‍, വിചാരണയ്ക്ക് സ്‌പെഷ്യല്‍ കോടതി രൂപീകരിച്ചിട്ടില്ലെന്ന് കോടതിപറഞ്ഞു.