മാനന്തവാടി: കഴിഞ്ഞ ഒരാഴ്ചയായി ബാണാസുരമലയില്‍ നിന്നിറങ്ങിയ കാട്ടാനകള്‍ വെള്ളമുണ്ട പുളിഞ്ഞാല്‍ പ്രദേശത്ത് നാശം വിതക്കുന്നു. ഏറ്റവും ഒടുവിലായി ഞായറാഴ്ച രാത്രി പുളിഞ്ഞാല്‍ ടൗണില്‍ നിന്നു 300 മീറ്റര്‍ മാത്രം അകലെയുള്ള നെല്ലിക്കച്ചാല്‍ പെരുങ്കുളം പ്രദേശത്താണ് കാട്ടാനകള്‍ കൃഷിയിടത്തില്‍ നാശം വരുത്തിയത്. പ്രദേശത്തെ ബാവ വര്‍ഗീസ്, ഹക്കീം, ചന്ദ്രന്‍, ഗഫൂര്‍ തുടങ്ങിയവരുടെ തോട്ടങ്ങളിലാണ് കാട്ടാനകള്‍ തെങ്ങ്, കാപ്പി, വാഴ, കവുങ്ങ് എന്നിവ നശിപ്പിച്ചത്. ഈ വര്‍ഷം ഏതാനും ആഴ്ചകള്‍ക്ക് മുന്‍പാണ് പ്രദേശത്ത് കാട്ടാനയിറങ്ങിയത്. കാട്ടാനകളെ വനത്തിലേക്ക് തിരിച്ചയക്കാന്‍ വനം വകുപ്പ് നടപടികളെടുക്കണമെന്നാണ് നാട്ടുകാരുടെ ആവശ്യം.