വിജയവാഡ: ആന്ധ്രാപ്രദേശില്‍ പള്ളി ഇമാമുമാര്‍ക്ക് സര്‍ക്കാര്‍ വക ഫ്‌ളാറ്റുകള്‍. ആന്ധ്ര വഖ്ഫ് ബോര്‍ഡിന്റെതാണ് തീരുമാനം. സ്വന്തമായി വീടില്ലാത്ത, ദാരിദ്ര്യരേഖയ്ക്കു താഴെയുള്ള (വെള്ള റേഷന്‍ കാര്‍ഡ് ഉടമകള്‍) ഇമാമുമാര്‍ക്കാണ് ഈ പദ്ധതിയുടെ ഗുണംലഭിക്കുകയെന്ന് വഖ്ഫ് ബോര്‍ഡ് സി.ഇ.ഒ സയ്യിദ് ശബ്ബാര്‍ പാഷ അറിയിച്ചു. സംസ്ഥാനത്ത് 5,000ഓളം ഇമാമുമാരാണ് ദാരിദ്ര്യരേഖക്കു താഴെയുള്ളത്. ഇവര്‍ക്ക് പുതിയ പദ്ധതിയുടെ ഗുണംലഭിക്കും.