റിയാദ്: ഹൃദയാഘാതത്തെ തുടര്‍ന്ന് സഊദിയിലെ റിയാദില്‍ മലയാളായി യുവാവ് മരിച്ചു. പത്തനംതിട്ട അടൂര്‍ കോട്ടമുകള്‍ സ്വദേശി നെടുമ്പാല കിഴക്കേതില്‍ ഫിറോസ് ഹനീഫ (30 ) യാണ് റിയാദില്‍ ആശുപത്രിയില്‍ മരിച്ചത്. ശാസ്വതടസ്സത്തെ തുടന്ന് റിയാദിലെ സ്വകാര്യ ആശുപത്രിയില്‍ പ്രവേശിപ്പിച്ചെങ്കിലും രക്ഷിക്കാനായില്ല.

റിയാദിലെ ക്ലിക്ക് ഓണ്‍ കമ്പനിയില്‍ സ്‌റ്റോര്‍കീപ്പറായി ജോലി ചെയ്തുവരികയായിരുന്നു. പരേതനായ മുഹമ്മദ് ഹനീഫ നസീമ ബീവി ദമ്പതികളുടെ മകനാണ്. ഷഹാന ആണ് ഭാര്യ. 18 ദിവസം പ്രായമായ ഫിദാന്‍ ഫിറോസ് മകനാണ്. ഹാരിസ് ഹനീഫ സഹോദരനാണ്. റിയാദിലെ അല്‍ ഈമാന്‍ ആശുപത്രിയില്‍ സൂക്ഷിച്ചിരിക്കുന്ന മൃതദേഹം നിയമ നടപടികള്‍ പൂര്‍ത്തിയാക്കി നാട്ടിലേക്ക് കൊണ്ടുപോകും.