ചങ്ങരംകുളം: 10 വയസുകാരിയെ ലൈംഗികമായി പീഡിപ്പിച്ച രണ്ടാനച്ഛനെതിരേ ചങ്ങരംകുളം പൊലിസ് കേസെടുത്തു. ചങ്ങരംകുളം കാഞ്ഞിയൂരില്‍ വാടകയ്ക്ക് താമസിക്കുന്നയാള്‍ക്കെതിരേയാണു ചങ്ങരംകുളം പൊലിസ് കേസെടുത്തത്.
രണ്ടു വര്‍ഷമായി കുട്ടിയെ ഇയാള്‍ ലൈംഗികമായി പീഡിപ്പിച്ചു വരികയായിരുന്നെന്നു പൊലിസ് പറഞ്ഞു. സ്‌കൂളില്‍ നടന്ന കൗണ്‍സിലിങ്ങിനിടെ വിവരമറിഞ്ഞ് അധ്യാപകര്‍ ചൈല്‍ഡ് ലൈന്‍ വിഭാഗത്തെ വിവരമറിയിച്ചതനുസരിച്ചു ചങ്ങരംകുളം പൊലിസ് കേസെടുക്കുകയായിരുന്നു. തുടര്‍ന്നു ചങ്ങരംകുളം എഎസ്‌ഐ ബേബിയുടെ നേതൃത്വത്തില്‍ നടന്ന അന്വേഷണത്തിലാണു പ്രതിയെ അറസ്റ്റ് ചെയ്തത്. കുട്ടിയുടെ മാതാവിനെ 10 വര്‍ഷം മുമ്പണ്ടാണ് ഇയാള്‍ വിവാഹം ചെയ്തത്. പല സ്ഥലങ്ങളിലായി വാടക്ക് താമസിച്ചു വന്ന ഇവര്‍ നാല് മാസമായി ചങ്ങരംകുളത്ത് കാഞ്ഞിയൂരില്‍ താമസിക്കുകയായിരുന്നു.