കാസര്‍കോട്: 'ഖുര്‍ ആന്‍ സുകൃതങ്ങളുടെ വചന പൊരുള്‍' എന്ന പ്രമേയത്തില്‍ എസ്.കെ.എസ്.എസ്.എഫ് കാസര്‍കോട് പുതിയ ബസ് സ്റ്റാന്‍ഡ് പരിസരത്ത് ശംസുല്‍ നഗറില്‍ മൂന്ന് ദിവസങ്ങളിലായി സംഘടിപ്പിച്ച റമദാന്‍ പ്രഭാഷണം മജ്‌ലിസുന്നൂറോടെ സമാപിച്ചു. 

വിശുദ്ധ റമദാന്റെ ആത്മീയ നിര്‍വൃതിയില്‍ പ്രഭാഷണം ശ്രവിക്കാനും ദുആ മജ്‌ലിസില്‍ പങ്കെടുക്കാനും ജില്ലയുടെ വിവിധ ഭാഗങ്ങളില്‍ നിന്ന് ആയിരങ്ങളാണ് ഒഴുകിയെത്തിയത്.
വിശുദ്ധ റമദാനിന്റെ ലൈലത്തുല്‍ ഖദറിനെ പ്രതീക്ഷിക്കുന്ന നരക മോചനത്തിന്റെ പത്തില്‍ വിശ്വാസികള്‍ക്ക് പാപങ്ങള്‍ ഏറ്റ് പറഞ്ഞ് അള്ളാഹുവിനോട് പ്രാര്‍ഥിക്കാനുള്ള അസുലഭ സന്ദര്‍ഭമായിട്ടാണ് ഈ വിഞ്ജാന സദസിലേക്ക് മൂന്ന് ദിവസങ്ങളിലായി ആയിരങ്ങള്‍ ഒഴുകിയെത്തിയത്. റമദാന്‍ പ്രഭാഷണത്തിന്റെ സമാപനം സമസ്ത കേന്ദ്ര മുശാവറ അംഗം എം.എ ഖാസിം മുസ്‌ലിയാര്‍ ഉദ്ഘാടനം ചെയ്തു. എസ്.കെ.എസ്.എസ്.എഫ് സംസ്ഥാന വൈസ് പ്രസിഡന്റ് ഇബ്രാഹിം ഫൈസി ജെഡിയാര്‍ അധ്യക്ഷനായി. ജില്ലാ പ്രസിഡന്റ് താജുദ്ദീന്‍ ദാരിമി പടന്ന സ്വാഗതം പറഞ്ഞു.
മജ്‌ലിസുന്നൂര്‍ ആത്മീയ മജ്‌ലിസിന്ന് കര്‍ണ്ണാടക സമസ്ത പ്രസിഡന്റ് സയ്യിദ് സൈനുല്‍ ആബിദീന്‍ തങ്ങള്‍ കുന്നുംകൈ നേതൃത്വം നല്‍കി. എസ്.കെ.എസ്.എസ്.എഫ് ജില്ലാ കമ്മിറ്റിയുടെ ശംസുല്‍ ഉലമ സ്മാരക അവാര്‍ഡ് ഖത്തര്‍ അബ്ദുല്ല ഹാജി ഉദുമക്ക് പള്ളിക്കര ഖാളി പൈവളികെ അബ്ദുല്‍ ഖാദര്‍ മുസ്‌ലിയാര്‍ നല്‍കി, സമസ്ത പൊതു പരീക്ഷയില്‍ സംസ്ഥാന തലത്തില്‍ ഏഴാം തരത്തില്‍ റാങ്ക് നേടിയ ചട്ടഞ്ചാലിലെ അലീമ ഫിദ്‌യയ്ക്ക് എസ്.കെ.എസ്.എസ്.എഫ് ജില്ലാ കമ്മിറ്റിയുടെ സ്‌നോഹോപഹാരം സമസ്ത വിദ്യാഭ്യസ ബോര്‍ഡ് സെക്രട്ടറി എം.എ. ഖാസിം മുസ്‌ലിയാര്‍ നല്‍കി.
കീച്ചേരി അബ്ദുല്‍ ഗഫൂര്‍ മൗലവി പ്രഭാഷണം നടത്തി. എസ്.പി.എസ് അബൂബക്കര്‍ തങ്ങള്‍ അല്‍ ഹൈദ്രോസി ചെട്ടുംകുഴി, എം.എസ്.എ പൂക്കോയ തങ്ങള്‍ മുട്ടത്തൊടി, ഹനീഫ തങ്ങള്‍ ചേരൂര്‍ ചെങ്കളം, അബ്ദുല്ല ഫൈസി, അബൂബക്കര്‍ സാലൂദ് നിസാമി, മുസ്‌ലിം ലീഗ് ജില്ലാ സെക്രട്ടറി എം.സി കമറുദ്ദീന്‍, ഹാരിസ് ദാരിമി ബെദിര, സുഹെര്‍ അസ്ഹരി പള്ളകോട്, ബാവഹാജി മേല്‍പറമ്പ്, എസ്.പി സലാഹുദ്ധീന്‍, കണ്ണൂര്‍ അബ്ദുല്ല മാസ്റ്റര്‍, ബഷീര്‍ ദാരിമി തളങ്കര, സലാം ഫൈസി പേരാല്‍, സി.ബി അബ്ദുല്ല ഹാജി, മൂസഹാജി ചേരൂര്‍, എം.എ ഖലീല്‍, സുബൈര്‍ ദാരിമി പൈക്ക, കെ.എം സൈനുദ്ധീന്‍ ഹാജി, സിദ്ധീഖ് അസ്ഹരി, യൂനുസ് ഫൈസി, സിദ്ധീഖ് ബെളിഞ്ചം, കജ മുഹമ്മദ് ഫൈസി, മുഹമ്മദ് കുഞ്ഞി തുരുത്തി, ശരീഫ് നിസാമി മുഗു, ഇസ്മായില്‍ മച്ചംപാടി, യൂനുസ് ഹസനി, ദാവൂദ് ഹാജി ചിത്താരി, മൊയ്തീന്‍ കുഞ്ഞി ചെര്‍ക്കള, പാണലം അബ്ദുല്ല മൗലവി, റൗഫ് ഉദുമ, ഇര്‍ഷാദ് ഹുദവി ബെദിര, ഹാരിസ് ഗാളിമുഖം സംബന്ധിച്ചു.