കോഴിക്കോട്: കൂടത്തായി കൊലപാതകങ്ങളില്‍ ഇന്നലെ ക്രൈംബ്രാഞ്ച് ഓഫിസില്‍ എന്‍.ഐ.ടി വിദ്യാര്‍ഥിയുടെ മൊഴിയെടുത്തു. ഈ വിദ്യാര്‍ഥിയുടെ ബൈക്കില്‍ ഇരുന്ന് ജോളി ഫോട്ടോ എടുത്തിരുന്നു. വിദ്യാര്‍ഥിയുമായി ജോളിക്ക് ബന്ധമുണ്ടേണ്ടാ എന്നറിയാനായിരുന്നു മൊഴി രേഖപ്പെടുത്തിയത്.
അതിനിടെ, ജോളിയോ കൊല്ലപ്പെട്ട ഭര്‍ത്താവ് റോയിയോ തന്നെ വന്നു കണ്ടിരിക്കാമെന്ന് കട്ടപ്പനയിലെ ജോത്സ്യന്‍ കൃഷ്ണകുമാര്‍. ഒളിവിലാണെന്ന ആഭ്യൂഹങ്ങള്‍ക്കിടെ ഇന്നലെയാണ് ഇടുക്കിയിലെ വസതിയില്‍ ഇയാള്‍ മാധ്യമങ്ങളോട് പ്രതികരിച്ചത്.ജോളിയെ അറിയില്ല. എന്നാല്‍ അവര്‍ തന്നെ വന്നു കണ്ടോയെന്നു നിശ്ചയമില്ലെന്നും കൃഷ്ണകുമാര്‍ പറഞ്ഞു.