പേരാമ്പ്ര: കോടതി എന്തു വിധിക്കണമെന്നു നിര്‍ദേശിക്കാന്‍ താന്‍ യോഗ്യനാണെന്ന് അമിത് ഷാ കരുതുന്നത് മിഥ്യാധാരണമൂലമാണെന്ന് ജലവിഭവ വകുപ്പ് മന്ത്രി മാത്യു ടി. തോമസ് അഭിപ്രായപ്പെട്ടു. ജനതാദള്‍ എസ് പേരാമ്പ്ര നിയോജക മണ്ഡലം കണ്‍വന്‍ഷന്‍ വ്യാപാര ഭവനില്‍ ഉദ്ഘാടനം ചെയ്യുകയായിരുന്നു അദ്ദേഹം. രാജ്യത്ത് ബി.ജെ.പിക്കു വളരാന്‍ അവസരമൊരുക്കിയത് കോണ്‍ഗ്രസിന്റെ വികലമായ നിലപാടുകളാണെന്നും അദ്ദേഹം പറഞ്ഞു.
മണ്ഡലം പ്രസിഡന്റ് പി.പി ബാലന്‍ അധ്യക്ഷനായി. ജില്ലാ പ്രസിഡന്റ് കെ. ലോഹ്യ മുഖ്യപ്രഭാഷണം നടത്തി.
കാഞ്ഞിക്കാവ് കുഞ്ഞികൃഷ്ണന്‍, ഹാഷിം മാട്ടുമ്മല്‍, എടയത്ത് ശ്രീധരന്‍, ഉണ്ണി മൊടക്കല്ലൂര്‍, എന്‍.എസ് കുമാര്‍, സെബാസ്റ്റ്യന്‍, റഷീദ് മുയിപ്പോത്ത്, എം.ടി.കെ നിധിന്‍, ഇ. അമ്മത്, പി.പി മുരളീധരന്‍, ഷമീം മാവൂര്‍ പ്രസംഗിച്ചു. ദിനേശ് കാപ്പുങ്കര സ്വാഗതവും മജീദ് കാവില്‍ നന്ദിയും പറഞ്ഞു.