ലണ്ടന്‍: ചാംപ്യന്‍സ് ട്രോഫി കിരീട നേട്ടത്തിന് പിന്നാലെ പാകിസ്താന് ഐ.സി.സി ഏകദിന റാങ്കിങില്‍ മുന്നേറ്റം. രണ്ട് സ്ഥാനങ്ങള്‍ മെച്ചപ്പെടുത്തിയാണ് അവര്‍ ആറിലേക്ക് കയറിയത്. ആറാം റാങ്കിലുണ്ടായിരുന്ന ബംഗ്ലാദേശ് ഏഴിലേക്കും ശ്രീലങ്ക എട്ടിലേക്കും ഇറങ്ങി. ദക്ഷിണാഫ്രിക്ക ഒന്നാം സ്ഥാനം നിലനിര്‍ത്തി. ആസ്‌ത്രേലിയ രണ്ടാമതും ഇന്ത്യ മൂന്നാം റാങ്കിലും നില്‍ക്കുന്നു. കഴിഞ്ഞ ദിവസം ഇന്ത്യയെ 180 റണ്‍സിന് തകര്‍ത്ത് പാകിസ്താന്‍ കന്നി ചാംപ്യന്‍സ് ട്രോഫി കിരീടം സ്വന്തമാക്കിയിരുന്നു.