പൂക്കോട്ടുംപാടം: ബന്ധുവിന്റെ കാര്‍ അടിച്ചു തകര്‍ത്ത കേസില്‍ ഒളിവില്‍ പോയ പ്രതിയെ അറസ്റ്റ് ചെയ്തു.
കൂറ്റമ്പാറ സ്വദേശി കോലോത്തും തൊടിക ആബിദ് അസ്‌ലം (25)നെയാണ് പൂക്കോട്ടുംപാടം എസ് .ഐ പി. വിഷ്ണു തൃശൂര്‍ പൊലിസിന്റെ സഹായത്തോടെ പിടികൂടിയത്.
കഴിഞ്ഞ ഒക്ടോബര്‍ 27 നാണ് കേസിനാസ്പദമായ സംഭവം. വസ്തു ഇടപാടു മായി ബന്ധപ്പെട്ട് പ്രതി അടുത്ത ബന്ധുവായ പരാതിക്കാരനോട് വന്‍തുക കമ്മീഷനായി ആവശ്യപ്പെട്ടിരുന്നു.
ഇതു നല്‍കാന്‍ വിസമ്മതിച്ച പരാതിക്കാരനെ പ്രതി കൊല്ലുമെന്ന് ഭീഷണിപ്പെടുത്തുകയും രാത്രി മാരകായുധങ്ങളുമായി പരാതിക്കാരന്റെ വീട്ടിലേക്ക് അതിക്രമിച്ചു കയറി വീട്ടുമുറ്റത്ത് നിര്‍ത്തിയിട്ടിരുന്ന കാര്‍ അടിച്ചു തകര്‍ക്കുകയായിരുന്നു. പൊലിസ് കേസ് രജിസ്റ്റര്‍ ചെയ്തതറിഞ്ഞ് ഒളിവില്‍ പോയ പ്രതി തൃശൂരില്‍ ഒളിച്ചു താമസിച്ചു വരികയായിരുന്നു. പ്രതിക്കെതിരെ നിലമ്പൂര്‍, പൂക്കോട്ടുംപാടം, തൃശൂര്‍ ടൗണ്‍ ഈസ്റ്റ് സ്റ്റേഷനുകളില്‍ അടിപിടി കേസ്സുകള്‍ നിലവിലുണ്ട്‌സീനിയര്‍ സിവില്‍ പൊലിസ് ഓഫിസര്‍ ടി. ബാലന്‍, സി.പി ഓ മാരായ ഇ.ജി പ്രദീപ് , എസ് അഭിലാഷ്, ടി.നിബിന്‍ദാസ് എന്നിവരും അന്വേഷണ സംഘത്തിലുണ്ടായിരുന്നു.