കൊടുങ്ങല്ലൂര്‍: ട്രാഫിക് ഡ്യൂട്ടിയിലുണ്ടായിരുന്ന പൊലിസ് ഉദ്യോഗസ്ഥനോട് അപമര്യാദയായി പെരുമാറിയ ബസ് ജീവനക്കാര്‍ അറസ്റ്റില്‍.
കൊടുങ്ങല്ലൂര്‍ നഗരത്തിലെ ട്രാഫിക് ബ്ലോക്ക് പരിഹരിക്കുന്നതിന്റെ ഭാഗമായി ഏതാനും ദിവസമായി പൊലിസ് നടത്തുന്ന ഗതാഗത പരിഷ്‌കാരങ്ങള്‍ അനുസരിക്കാതെ ട്രാഫിക് ഡ്യൂട്ടി ചെയ്തിരുന്ന ഉദ്യോഗസ്ഥനെ അസഭ്യം പറയുകയും ഭീഷണിപ്പെടുത്തകയും ചെയ്ത സംഭവത്തില്‍ എറണാകുളം-ഗുരുവായൂര്‍ റൂട്ടിലോട്ടുന്ന കൃഷ്ണ ബസിലെ ജീവനക്കാരായ പടിഞ്ഞാറെ വെമ്പല്ലൂര്‍ തച്ചുംപുറത്ത് സിബി (31), കയ്പമംഗലം കാട്ടി കോലോത്ത് ശ്രീകൃഷ്ണന്‍( 29 ) എന്നിവരെയാണ് കൊടുങ്ങല്ലൂര്‍ എസ്.ഐ ഇ.ആര്‍ ബൈജുവും സംഘവും അറസ്റ്റ് ചെയ്തത്.