കൂറ്റനാട്: കളഞ്ഞുകിട്ടിയ പണമടങ്ങിയ പഴ്‌സ് ഉടമസ്ഥനു തിരിച്ചുനല്‍കി ബസ് ഡ്രൈവര്‍ മാതൃകയായി. പതിനായിരത്തിലേറെ രൂപയും തിരിച്ചറിയല്‍ കാര്‍ഡും ബാങ്ക് എ.ടി.എം കാര്‍ഡും അടങ്ങിയ പഴ്‌സാണ് കഴിഞ്ഞ ദിവസം ചാലിശ്ശേരി റോയല്‍ ഡന്റല്‍ കോളജിലെ ബസ് ഡ്രൈവറായ കോക്കൂര്‍ മടത്തുംപുറം വട്ടേക്കാട്ട് വളപ്പില്‍ നംഷീദിന് അക്കിക്കാവ് ക്ഷേത്രത്തത്തിനു മുന്നിലെ റോഡില്‍നിന്ന് ലഭിച്ചത്. തിരിച്ചറിയല്‍ കാര്‍ഡിലെ അഡ്രസ് പരിശോധനയിലൂടെ ഉമെസ്ഥയായ പൊന്നാനി പുറങ്ങില്‍ കോലത്തേയില്‍ സുജാതയെ അക്കിക്കാവ് പി.എസ്.എം ഡെന്റല്‍ കോളജില്‍വച്ച് കണ്ടെത്തുകയായിരുന്നു.
മക്കളോടപ്പം ആശുപത്രിയിലേക്ക് ചികിത്സക്കായി ബൈക്കില്‍ വരുബോള്‍ റോഡില്‍ പഴ്‌സ് വീഴുകയായിരുന്നു. പി.എം.സ് ആശുപത്രി ഒ.പി ഹാളില്‍ നടന്ന ചടങ്ങില്‍ വച്ച് പൊതുപ്രവര്‍ത്തകന്‍ എം.എ കമറുദ്ദീന്‍, നംഷീദിനെ അഭിനന്ദിച്ചു. നംഷീദില്‍ നിന്നും പഴ്‌സ് സുജാത പഴ്‌സ് ഏറ്റുവാങ്ങുകയും ചെയ്തു. ഹിഷാം, താലിബ്, എം.എം ഹസ്സന്‍കുട്ടി പങ്കെടുത്തു. പൈസ തിരികെ ലഭിച്ച സന്തോഷത്താല്‍ സുജാത നംഷീദിനു പാരിതോഷികമായി 2,000 രൂപ നല്‍കിയെങ്കിലും നംഷീദ് സ്‌നേഹത്തോടെ നിരസിക്കുകയായിരുന്നു.