കൊച്ചി: പ്രവര്‍ത്തകര്‍ക്കും നേതാക്കള്‍ക്കുമൊപ്പം മെട്രോയില്‍ കയറാനെത്തിയ മുന്‍ മുഖ്യമന്ത്രി ഉമ്മന്‍ചാണ്ടിയ്ക്ക് പ്രവര്‍ത്തകരുടെ തിരക്കു കാരണം ആദ്യയാത്രയില്‍ കയറാനായില്ല. മെട്രോ ഉദ്ഘാടന ചടങ്ങില്‍ നിന്നും വിട്ടുനിന്ന ഉമ്മന്‍ചാണ്ടി ജനകീയ യാത്രയുടെ ഭാഗമായാണ് കൊച്ചി മെട്രോയില്‍ കയറാനെത്തിയത്. പ്രതിപക്ഷ നേതാവ് രമേശ് ചെന്നിത്തല, കെ.പി.സി.സി അധ്യക്ഷന്‍ എം.എം ഹസന്‍ എന്നിവരും ഉമ്മന്‍ചാണ്ടിയ്‌ക്കൊപ്പമുണ്ടായിരുന്നു. എന്നാല്‍ ആദ്യയാത്രയില്‍ തിക്കും തിരക്കിനുമിടയില്‍ മറ്റു നേതാക്കള്‍ മെട്രോയില്‍ കയറിപ്പറ്റിയെങ്കിലും ഉമ്മന്‍ചാണ്ടിയ്ക്ക് കയറാനായില്ല. പിന്നീട് മെട്രോയുടെ രണ്ടാമത്തെ യാത്രയില്‍ അദ്ദേഹം ലക്ഷ്യസ്ഥാനത്തേക്ക് തിരിച്ചു.

നൂറുകണക്കിന് ആളുകളാണ് ഉമ്മന്‍ചാണ്ടിക്ക് അഭിവാദ്യമര്‍പ്പിച്ച് കൂടെയുണ്ടായിരുന്നു. ആലുവ മുതല്‍ പാലാരിവട്ടം വരെയാണ് യാത്ര.