ബുര്‍ഹാന്‍പൂര്‍: ചാംപ്യന്‍സ് ട്രോഫി നേടിയ പാകിസ്താന്റെ വിജയത്തില്‍ ആഹ്ലാദ പ്രകടനം നടത്തിയ 15 പേര്‍ക്കെതിരെ രാജ്യദ്രോഹക്കുറ്റം ചുമത്തി.

മധ്യപ്രദേശിലെ മൊഹാദ് ഗ്രാമത്തിലാണ് സംഭവം. പാക് അനുകൂല മുദ്രാവാക്യം വിളിച്ചെന്നാരോപിച്ചാണ് രാജ്യദ്രോഹക്കുറ്റം ചുമത്തിയിരിക്കുന്നത്.

സെക്ഷന്‍ 120 ബി, 124 എ എന്നിവ പ്രകാരമാണ് കേസെടുത്തിരിക്കുന്നത്. ഒരു ഗ്രാമവാസിയുടെ പരാതിയിലാണ് നടപടി. അറസ്റ്റിലായവരെല്ലാം മുസ്ലിം യുവാക്കളാണ്.

പാകിസ്താന്‍ വിജയത്തില്‍ ആഹ്ലാദിക്കുകയും വെടിപൊട്ടിക്കുകയും മധുരം വിതരണം ചെയ്യുകയും ചെയ്തതിനെത്തുടര്‍ന്നാണ് ഇയാള്‍ പരാതി നല്‍കിയിരിക്കുന്നത്.