ഓഗാദോഗു: പടിഞ്ഞാറന്‍ ആഫ്രിക്കന്‍ രാജ്യമായ ബുര്‍കിനഫാസോയിലെ മുസ്‌ലിംപള്ളിയില്‍ വെള്ളിയാഴ്ച ജുമുഅ നിസ്‌കാരത്തിനിടെയുണ്ടായ വെടിവയ്പില്‍ 15 മരണം. നിരവധിപേര്‍ക്കു പരുക്കേറ്റു. വെടിവയ്പ് നടത്തിയവരെ തിരിച്ചറിഞ്ഞിട്ടില്ലെന്ന് പൊലിസ് പറഞ്ഞു. പരുക്കേറ്റവരില്‍ രണ്ടുപേരുടെ നില ഗുരുതരമാണ്.
വെള്ളിയാഴ്ച രാജ്യത്തെ സ്വര്‍ണഖനിയില്‍ വെടിവയ്പുണ്ടായതായും റിപ്പോര്‍ട്ടുണ്ട്. 23 പേര്‍ കൊല്ലപ്പെട്ടു. കൊല്ലപ്പെട്ടവരെല്ലാം ഖനി തൊഴിലാളികളാണെന്ന് സുരക്ഷാ ഉദ്യോഗസ്ഥന്‍ അറിയിച്ചു.