തിരുവനന്തപുരം: അഖിലേന്ത്യാ സിവില്‍ സര്‍വിസ് മെയിന്‍ പരീക്ഷയുടെ മൂന്നുമാസം നീണ്ടുനില്‍ക്കുന്ന പരിശീലന ക്ലാസിന് സ്റ്റേറ്റ് സിവില്‍ സര്‍വിസ് അക്കാദമിയുടെ തിരുവനന്തപുരം ആസ്ഥാന കേന്ദ്രത്തില്‍ പ്രവേശനം ആരംഭിച്ചു.

ക്ലാസുകള്‍ ഓഗസ്റ്റ് 12 ന് ആരംഭിക്കും. ഐച്ഛിക വിഷയങ്ങളുടെ രണ്ട് പേപ്പറുകള്‍ക്കും ജനറല്‍ സ്റ്റഡീസിന്റെ ഏഴുപേപ്പറുകള്‍ക്കുമാണ് പരിശീലനം നല്‍കുന്നത്. പ്രിലിമിനറി പരീക്ഷ വിജയിക്കുന്നവര്‍ക്ക് മെയിന്‍ പരീക്ഷാപരിശീലനത്തിനായി അടച്ച ട്യൂഷന്‍ ഫീസ് മടക്കി നല്‍കും.
ഐശ്ചിക വിഷയങ്ങള്‍ക്കു മാത്രമായി ചേരുന്നവര്‍ക്ക് പ്രത്യേക പരിശീലനവും ഉണ്ടായിരിക്കും. ഇവരുടെ ഫീസ് മടക്കി നല്‍കുന്നതല്ല.

വിലാസം : ഡയറക്ടര്‍, സെന്റര്‍ ഫോര്‍ കണ്ടിന്യൂയിങ് എജ്യുക്കേഷന്‍ കേരള, ആനത്തറ ലെയിന്‍, ചാരാച്ചിറ, കവടിയാര്‍ പി.ഒ, തിരുവനന്തപുരം 695 003. ഫോണ്‍ : 0471 2313065, 2311654. വെബ്‌സൈറ്റ് www.ccek.org