മുല്ലശ്ശേരി: മത്സ്യകൃഷി ചെയ്യുന്ന കുളത്തില്‍ വിഷം കലക്കിയെന്ന് സംശയം. നൂറോളം മ ത്സ്യങ്ങള്‍ ചത്ത് പൊന്തി. മുല്ലശ്ശേരി അന്നകര നാലു പുരയ്ക്കല്‍ ഷിബുവിന്റെ കുളത്തിലാണ് ഇത്തരത്തില്‍ മത്സ്യങ്ങള്‍ ചത്ത് പൊന്തിയത്. കട്ട്‌ലാ, റോഹു, മൃഗാള്‍, ഗ്രാസ് കാര്‍പ്പ് എന്നീയിനങ്ങളില്‍ പെട്ട മത്സ്യങ്ങളാണ് കൂട്ടമായി ചത്തത്. വിവരമറിഞ്ഞ് ഗ്രാമപഞ്ചായത്ത് പ്രസിഡന്റ് എ.കെ ഹുസൈന്റെ നേതൃത്വത്തില്‍ ജനപ്രതിനിധികളെ പരാതിയെ തുടര്‍ന്ന് പാവറട്ടി പൊലിസ് സ്ഥലത്തെത്തി അന്വേഷണം നടത്തി. പഞ്ചായത്തിന്റെ മത്സ്യസമൃദ്ധി പദ്ധതി പ്രകാരം മത്സ്യഫെഡാണ് ഈ കുളത്തില്‍ കൃഷിയിറക്കിയത്.