കൊടുങ്ങല്ലൂര്‍: മേത്തല എല്‍തുരുത്തില്‍ ബി ജെ പി നേതാവിന്റെ വീടിനു നേരെ ആക്രമണം.ഒ ബി സി മോര്‍ച്ച മണ്ഡലം സെക്രട്ടറി സി.വി ഉദയകുമാറിന്റെ വീടിന് നേരെയാണ് തിങ്കളാഴ്ച്ച അര്‍ദ്ധരാത്രിയോടെ ആക്രമണമുണ്ടായത്. കല്ലേറില്‍ വീടിന്റെ ജനല്‍ചില്ലുകള്‍ തകര്‍ന്നു.
വീടിന്റെ പേരില്‍ നിറുത്തിയിരുന്ന മോട്ടോര്‍ ബൈക്ക് തീവെച്ചു നശിപ്പിക്കാനും ശ്രമമുണ്ടായി. ശബ്ദം കേട്ട് വീട്ടുകാര്‍ ഉണര്‍ന്നതിനെ തുടര്‍ന്ന് അക്രമികള്‍ ഓടി രക്ഷപ്പെട്ടു. രാത്രി പന്ത്രണ്ട് മണിയോടെയാണ് രണ്ടംഗ സംഘം വീടിനു നേരെ ആക്രമണം നടത്തിയത്. കൊടുങ്ങല്ലൂര്‍ പോലീസ് കേസെടുത്ത് അന്വേഷണമാരംഭിച്ചു. കഴിഞ്ഞ ദിവസം ഈ പ്രദേശത്ത് സി പി എം അനുഭാവിയുടെ വീടിനു നേരെ ആക്രമണം നടന്നിരുന്നു. ഈ സംഭവത്തിന്റെ തുടര്‍ച്ചയാണ് തിങ്കളാഴ്ച്ച രാത്രിയിലുണ്ടായതെന്നാണ് സൂചന.