ചെര്‍പ്പുളശ്ശേരി: അശരണരേയും നിരാലംബരേയും സഹായിക്കുകയെന്നത് മുസ്‌ലിം ലീഗിന്റെ പ്രഖ്യാപിത ലക്ഷ്യമാണെന്ന് അഡ്വ എന്‍. ഷംസുദ്ധിന്‍ എം.എല്‍.എ പറഞ്ഞു. ശിഹാബ് തങ്ങള്‍ റീലിഫ് സെല്ലിന്റെ നേതൃത്വത്തില്‍ ചെര്‍പ്പുളശ്ശേരി ടൗണ്‍ ഹാളില്‍ ഇ. അഹമ്മദ്  നഗറില്‍ സംഘടിപ്പിച്ച റിലീഫ് വിതരണം ഉദ്ഘാടനം ചെയ്യുകയായിരുന്നു അദ്ധേഹം. കെ.കെ.എ. അസീസ് അധ്യക്ഷനായി. എല്‍.എല്‍.ബി പഠനം പൂര്‍ത്തികരിച്ച വിദ്യാര്‍ഥികള്‍ക്ക് കെ.എം സിതി സാഹിബ് ഉപഹാരം നല്‍കി ആദരിച്ചു. വിധവകളും നിര്‍ധനരുമായ കുടുംബങ്ങള്‍ക്ക് തയ്യല്‍ മെഷിന്‍ വിതരണം മരക്കാര്‍ മാരായമംഗലം നിര്‍വഹിച്ചു.
യു.എ.ഇ കെ.എം.സി.സി മുന്‍സിപ്പല്‍ കോഡിനേഷന്‍ കമ്മിറ്റി ഏര്‍പ്പെടുത്തിയ ടി.കെ ശംസുദ്ധിന്‍ സ്മാര സ്‌കോളര്‍ഷിപ്പും ഉപഹാരവും എം. വീരാന്‍ ഹാജി വിതരണം ചെയ്തു. പാറയില്‍ വാപ്പുട്ടി ഹാജി സ്മാരക ഉപഹാരം അബ്ദുറഹിമാന്‍ ചളവറ നല്‍കി. 26 ാം മൈല്‍ ബൈത്ത്‌റഹ്മ നിര്‍മാണ ഫണ്ടിലേക്ക് ദുബെ കെ.എം.സി.സി ധന സഹായം പടിഞ്ഞാറേക്കര ഹംസ ഹാജിയും ഖത്തര്‍ കെ.എം.സി.സി മണ്ഡലം കമ്മിറ്റിയുടെ ധന സഹായം മക്ബൂല്‍ തച്ചോത്തും നസിമുദ്ധിന്‍ പാറയിലിന് കൈമാറി.
മുന്‍സിപ്പാലിറ്റി പരിധിയിലെ നൂറോളം രോഗികള്‍ക്ക് ചികിത്സ സഹായവും കച്ചേരിക്കുന്ന് മേഖല കമ്മിറ്റിയുടെ നേതൃത്വത്തില്‍ നൂറില്‍പരം കുടുംബങ്ങള്‍ക്ക് റമദാന്‍ കിറ്റ് വിതരണവും നല്‍കി. ദുബൈ കെ.എം സി സി മണ്ഡലം കമ്മിറ്റിയുടെ ചികിത്സാ വിതരണം മുഹമ്മദലിയും ഇബ്രാഹിമും ചേര്‍ന്ന് നടത്തി. ഹക്കിം ചെര്‍പ്പുളശ്ശേരി, പാലക്കല്‍ വാപ്പുട്ടി ഹാജി, എന്‍.കെ ബഷിര്‍, ഇക്ബാല്‍, എന്‍.കെ സാദിഖലി, അബ്ബാസ് മാസ്റ്റര്‍, സി.എ ബക്കര്‍ പ്രസംഗിച്ചു.
നഗരസഭാംഗങ്ങളായ വി.പി നിഷാദ്, സഫിയ പാലഞ്ചേരി, സുബൈദ പാറയില്‍, വി.പി. സുഹറാബി, ഷിബ, ആയിഷ, അബു പറക്കാടന്‍, അലി, എന്‍.സി ഉമ്മര്‍, അബ്ബാസ് കരിങ്കറ, മജിദ്, നാസര്‍, ഹാഷിം, മാട്ടര മനുട്ടി, വി.കെ സലിം പങ്കെടുത്തു.