ആലത്തൂര്‍: കുനിശ്ശേരി പുളുമ്പങ്കാട്ട് പാചകവാതക കുറ്റി പൊട്ടിത്തെറിച്ചു അടുക്കള ഷെഡ് കത്തി നശിച്ചു.മാടമ്പാറ പുളുമ്പങ്കാട്ട് ചന്ദ്രന്റെ വീടിനു പിന്നിലുള്ള ഓലപ്പുര പൂര്‍ണ്ണമായും കത്തി.വെള്ളിയാഴ്ച രാത്രിയായിരുന്നു സംഭവം.പാചകത്തിനിടെ പാചകവാതകം ചോര്‍ന്ന് അടുപ്പില്‍ തീ അളിപ്പടരുകയായിരുന്നു.
ചന്ദ്രനും ഭാര്യയും തീയണക്കാന്‍ നോക്കിയെങ്കിലും ഓലയിലേക്ക് തീപടര്‍ന്നതോടെ പുറത്തേക്ക് ഓടി രക്ഷപ്പെട്ടു.വലിയ ശബ്ദത്തോടെ കുറ്റി പൊട്ടിത്തെറിച്ചു.അടുക്കളയിലുണ്ടായിരുന്ന വസ്തുക്കളെല്ലാം ചാമ്പലായി.വീടിനു പിന്നില്‍ അരയാള്‍പൊക്കത്തില്‍ ചെങ്കല്ല് കെട്ടി ഓലമേഞ്ഞ പുരയാണ് ഇവര്‍ അടുക്കളയായി ഉപയോഗിച്ചിരുന്നത്.
സമീപ പ്രദേശത്തെല്ലാം സ്‌ഫോടന ശബ്ദവും ഞടുക്കവും അനുഭപ്പെട്ടു.വിവരമറിഞ്ഞ് ആലത്തൂര്‍ അഗ്‌നിരക്ഷാസേനയെത്തി സമീപത്തേക്ക് തീപടരുന്നത് തടഞ്ഞു.