ഗൂഡല്ലൂര്‍: ദമ്പതികളുടെ ബാങ്ക് അക്കൗണ്ടില്‍ നിന്ന് അജ്ഞാതന്‍ പണം പിന്‍വലിച്ചതായി പരാതി. മേഫീല്‍ഡിലെ ഒന്‍പതാം മൈലില്‍ സ്വദേശികളായ കെ.പി ചേക്കുട്ടിയുടെയും ഭാര്യ ഖദീജയുടെയും സ്റ്റേറ്റ് ബാങ്ക് അക്കൗണ്ടില്‍ നിന്നാണ് പണം നഷ്ടപ്പെട്ടത്. മൊബൈലില്‍ മെസേജ് വന്നതോടെയാണ് പണം നഷ്ടപ്പെട്ട വിവരം അറിയുന്നത്. ചേക്കുട്ടിയുടെ അക്കൗണ്ടില്‍ നിന്ന് 4000 രൂപയും ഖദീജയുടെ അക്കൗണ്ടില്‍ നിന്ന് 6100 രൂപയുമാണ് നഷ്ടപ്പെട്ടത്. ഇതു സംബന്ധിച്ച് നെല്ലാക്കോട്ട പൊലിസില്‍ ഇവര്‍ പരാതി നല്‍കി.