കുറ്റ്യാടി: വേളം പൂമുഖത്ത് ബി.ജെ.പി പ്രവര്‍ത്തകന് വെട്ടേറ്റു. ചേരാപുരം ചെറുപാറോല്‍ രാജനാണ് (55) വെട്ടേറ്റത്. ഇന്നലെ വൈകിട്ട് ഏഴോടെയാണ് സംഭവം. തലക്കും ഇരു കാലുകള്‍ക്കും പരുക്കേറ്റ രാജനെ കോഴിക്കോട്ടെ സ്വകാര്യ ആശുപത്രിയില്‍ പ്രവേശിപ്പിച്ചു. മാരാകായുധങ്ങളുമായി സംഘടിച്ചെത്തിയ സി.പി.എം പ്രവര്‍ത്തകരാണ് സംഭവത്തിന് പിന്നിലെന്ന് ബി.ജെ.പി ആരോപിച്ചു. രാജന്റെ ചന്തംമുക്കിനടുത്തുള്ള വീടിനുനേരെ കഴിഞ്ഞ ദിവസം ബോംബേറുണ്ടായിരുന്നു.  തുടര്‍ച്ചയായുണ്ടാകുന്ന അക്രമത്തെ തുടര്‍ന്ന് തീക്കുനി, പൂമുഖം, ചേരാപുരം, അരൂര്‍ മേഖലകളില്‍ പൊലിസ് സുരക്ഷ ശക്തമാക്കിയിട്ടുണ്ട്. സംഭവത്തില്‍ പ്രതിഷേധിച്ച് ഇന്ന് വേളം പഞ്ചായത്തില്‍ ബി.ജെ.പി ഹര്‍ത്താല്‍ ആചരിക്കും.