വളാഞ്ചേരി: കടയില്‍ സാധനം വാങ്ങാനെത്തിയ പത്തു വയസുകാരിയെ പീഡിപ്പിച്ച കേസില്‍ യുവാവ് വളാഞ്ചേരി പൊലിസിന്റെ പിടിയിലായി. വളാഞ്ചേരി മങ്കേരി സ്വദേശി കരുവാരക്കുന്നില്‍ അഷ്‌റഫി (26) നെയാണ് പൊലിസ് അറസ്റ്റ് ചെയ്തത്.
വീട്ടിനടുത്തു പലചരക്ക് കട നടത്തുന്ന ഇയാള്‍ കടയില്‍ സാധനം വാങ്ങാനെത്തിയ കുട്ടിയെ ലൈംഗികമായി പീഡിപ്പിച്ചെന്നാണ് കേസ്. പ്രതിക്കു ഭാര്യയും മകളുമുണ്ട്. പെണ്‍കുട്ടിയുടെ പരാതിയില്‍ പോക്‌സോ നിയപ്രകാരം പൊലിസ് കേസെടുത്ത് അന്വേഷണം ആരംഭിച്ചു. വളാഞ്ചേരി സി.ഐ എം.കെ ഷാജിയുടെ നേതൃത്വത്തില്‍ എസ്.ഐ ഇഖ്ബാല്‍, സി.പി.ഒ മാരായ ജയകൃഷ്ണന്‍, സുനില്‍ ദേവ്, ജെറോം, മനോജ്, സുജിത്ത് എന്നിവരടങ്ങിയ സംഘമാണ് പ്രതിയെ അറസ്റ്റ് ചെയ്തത്. തിരൂര്‍ കോടതിയില്‍ ഹാജരാക്കിയ പ്രതിയെ റിമാന്‍ഡ് ചെയ്തു.