കാഞ്ഞങ്ങാട്: കഞ്ചാവുമായി പിടിയിലായ യുവാക്കളെ റിമാന്‍ഡ് ചെയ്തു. മടിക്കൈ മുണ്ടോട്ടെ  സുഹൈദ് (28), പാറപ്പള്ളിയിലെ  ഷഫീഖ്(32), കാസര്‍കോട് ബോവിക്കാനത്തെ  മിര്‍ഷാന്‍(25) എന്നിവരെയാണ്  ഹൊസ്ദുര്‍ഗ് കോടതി രണ്ടാഴ്ചത്തേക്ക് റിമാന്‍ഡ് ചെയ്തത്.  
കാഞ്ഞങ്ങാട് നിത്യാനന്ദ പോളിടെക്‌നിക് കോളജ് റോഡില്‍ വച്ചാണ് ഒരു കിലോ കഞ്ചാവുമായി ഇവര്‍ എക്‌സൈസ് സംഘത്തിന്റെ പിടിയിലായത്.
വാഹന പരിശോധനയിലാണ് ഇവര്‍ സഞ്ചരിക്കുകയായിരുന്ന ആക്ടീവ സ്‌കൂട്ടറില്‍ നിന്ന് ഒരു കിലോ  കഞ്ചാവ് എക്‌സൈസ് സംഘം   കണ്ടെത്തിയത്.
തീരദേശ മേഖലകളില്‍ കഞ്ചാവ് വില്‍പന നടത്തുന്ന സംഘത്തിലെ പ്രധാന കണ്ണികളാണ് ഇവരെന്നും കര്‍ണാടകയില്‍  നിന്നുമാണ് ഇവര്‍ കഞ്ചാവ് കടത്തുന്നതെന്നും എക്‌സൈസ് പറയുന്നു.