പുത്തനത്താണി: സ്‌കൂള്‍ കോമ്പൗണ്ടിലെ മതില്‍ തകര്‍ന്നുവീണ് വിദ്യാര്‍ഥികള്‍ക്കു പരുക്കേറ്റു. കല്‍പകഞ്ചേരി കല്ലിങ്ങല്‍പറമ്പ് എം.എസ്.എം ഹയര്‍സെക്കന്‍ഡറി സ്‌കൂളിന്റെ മതില്‍ തകര്‍ന്നാണ് 14 വിദ്യാര്‍ഥികള്‍ക്കു പരുക്കേറ്റത്. ഇന്നലെ രാവിലെ പതിനൊന്നരയോടെയാണ് സംഭവം.
ഇന്റര്‍വെല്‍ സമയത്തു മതിലില്‍ ചാരിനിന്നവര്‍ക്കാണ് പരുക്കേറ്റത്. ഒളിംപിക്‌സിനെ വരവേല്‍ക്കുന്നതിന്റെ ഭാഗമായി മാമ്പ്രയില്‍നിന്നു സ്‌കൂളിലേക്കു നടത്തിയ കൂട്ടയോട്ടം കാണുന്നതിനു മതിലില്‍ ചാരിനിന്നവര്‍ക്കാണ് അപകടം പിണഞ്ഞത്. പരുക്കേറ്റ വിദ്യാര്‍ഥികളെ കോട്ടക്കലിലെ സ്വകാര്യ ആശുപത്രിയില്‍ പ്രവേശിപ്പിച്ചു ചികിത്സ നല്‍കി.