പരപ്പനങ്ങാടി: മദ്യ വില്‍പന നടത്തിയ ജ്വല്ലറി വ്യാപാരിയെ  പരപ്പനങ്ങാടി പൊലിസ് പിടികൂടി. വ്യാഴാഴ്ച രാത്രി എട്ടരയോടെയാണ് പൊലിസിനെ വെട്ടിച്ചു കടക്കാനുള്ള ശ്രമത്തിനിടയില്‍ ചെട്ടിപ്പടി പമ്പിനടുത്തുവച്ചു പൊലീസ് പിടിച്ചത്. ഉള്ളണം സ്വദേശിയായ ദിനേഷ് ബാബു (42) ആണ് അറസ്റ്റിലായത്. പ്രതിയില്‍നിന്ന് 22 കുപ്പി മദ്യം പിടിച്ചെടുത്തിട്ടുണ്ട്.
രാമനാട്ടുകര, ഫറോക്ക് എന്നിവിടങ്ങളിലെ ബിവറേജസില്‍നിന്നു ചെറിയ വിലയ്ക്ക് വാങ്ങുന്ന മദ്യം ഉയര്‍ന്നവിലയ്ക്ക് ആവശ്യക്കാര്‍ക്ക് എത്തിച്ചുകൊടുക്കുകയാണ് ഇയാള്‍ ചെയ്തിരുന്നത്.
മദ്യ വിപണനം നടത്തുന്നതിനായി ഇയാള്‍ ഒരു പഴയരാജസ്ഥാന്‍ രജിസ്‌ട്രേഷന്‍ നമ്പറുള്ള കാര്‍ ഉപയോഗിച്ചിരുന്നു. അതും പൊലിസ് കസ്റ്റഡിയിലെടുത്തു. പൊലിസ് സംഘത്തില്‍ ഗോഡ് വിന്‍, റസാഖ്, ഷിനീഷ്, ശിവദാസന്‍ എന്നിവരും ഉണ്ടായിരുന്നു.