കോഴിക്കോട്: സന്നിധാനത്ത് നിയോഗിച്ച വനിതാ പൊലിസ് ഉദ്യോഗസ്ഥരുടെ പ്രായം തെളിയിക്കുന്നതിനുള്ള രേഖകള്‍ പരിശോധിച്ചെന്ന് ആര്‍.എസ്.എസ് നേതാവും ശബരിമല കര്‍മ്മ സമിതി സംസ്ഥാന ജനറല്‍ സെക്രട്ടറിയുമായ വത്സന്‍ തില്ലങ്കേരി. ചിത്തിര ആട്ട വിശേഷത്തിന് സന്നിധാനത്തെത്തിയ 15 വനിതാ പൊലിസുകാരുടെ പ്രായം പരിശോധിച്ചുവെന്നാണ് തില്ലങ്കേരിയുടെ വെളിപ്പെടുത്തല്‍. കോഴിക്കോട് മുതലക്കുളത്തെ ശബരിമല സംരക്ഷണ സംഗമത്തിലാണ് ഇക്കാര്യം പറഞ്ഞത്.