കൊച്ചി: നവംബറില്‍ നടക്കുന്ന ദക്ഷിണാഫ്രിക്കന്‍ ടി20 ഗ്ലോബല്‍ ലീഗ് ടീം ഉടമകളെ പ്രഖ്യാപിച്ചു. ഇന്ത്യന്‍ പ്രീമിയര്‍ ലീഗിലെ കൊല്‍ക്കത്ത നൈറ്റ് റൈഡേഴ്‌സ് ടീം ഉടമ ഷാരൂഖ് ഖാനും ഡല്‍ഹി ഡെയര്‍ ഡെവിള്‍സ് ടീം ഉടമകളായ ജി.ആര്‍.എം ഗ്രൂപ്പും ലീഗില്‍ 2 ടീമുകളെ സ്വന്തമാക്കി.
ജെ.പി ഡുമിനി മാര്‍ക്വീ താരമായ കേപ് ടൗണ്‍ നൈറ്റ്‌സ് ടീമിനെയാണ് ഷാരൂഖ് ഖാന്‍ സ്വന്തമാക്കിയത്. ജൊഹന്നാസ്ബര്‍ഗ് ടീമിനെയാണ് ജി.ആര്‍.എം ഗ്രൂപ്പ് സ്വന്തമാക്കിയത്. ദക്ഷിണാഫ്രിക്കന്‍ പേസ് ബൗളര്‍ കഗിസോ റബാദയാണ് മാര്‍ക്വീ താരം.
ലണ്ടനില്‍ നടന്ന ചടങ്ങിലാണ് ടീം ഉടമകളുടെ വിവരങ്ങള്‍ പുറത്തുവിട്ടത്. ഫവാദ് റാണ, ജാവേദ് അഫ്രിദി, ഒസ്മാന്‍ ഒസ്മാന്‍, അജയ് സേതി, മുസ്താക് ബ്രേ, സുശീല്‍കുമാര്‍ എന്നിവരാണ് മറ്റു ഉടമകള്‍.