ബ്രസല്‍സ്: ബെല്‍ജിയം തലസ്ഥാനമായ ബ്രസല്‍സിലെ സെന്റര്‍ റെയില്‍വേ സ്റ്റേഷനില്‍ സ്‌ഫോടനം. സംഭവ ശേഷം സ്റ്റേഷനില്‍ പൊലിസ് ഒരു ചാവേറിനെ വെടിവെച്ചു കൊന്നു. ഇയാള്‍ക്ക് സ്‌ഫോടനത്തില്‍ പങ്കുണ്ടെന്നാണ് വിലയിരുത്തല്‍. പ്രാദേശിക സമയം ചൊവ്വാഴ്ച രാത്രി എട്ടരയോടെയാണ് സംഭവം.

ശക്തി കുറഞ്ഞ സ്‌ഫോടനമായതിനാല്‍ ആര്‍ക്കും പരിക്കില്ല.  ആളുകളെ പൂര്‍ണ്ണമായും ഒഴിപ്പിച്ചു.

വെടിയേറ്റു മരിച്ച ആളില്‍ നിന്ന് ബെല്‍റ്റ് ബോംബ് അടക്കമുള്ളവ കണ്ടെടുത്തു. വന്‍സ്‌ഫോടനത്തിന്  പദ്ധതിയിട്ടാണ് ഇയാള്‍ എത്തിയതെന്നാണ് പൊലിസ് നല്‍കുന്ന വിശദീകരണം.

സുരക്ഷയുടെ ഭാഗമായി ബ്രസല്‍സിലെ പ്രധാന  ട്രെയിന്‍ സര്‍വീസുകളെല്ലാം പൂര്‍ണ്ണമായി നിര്‍ത്തി വെച്ചിരിക്കുകയാണ് .