നിരവധിപേര്‍ക്ക് പരുക്ക്
തിരുവനന്തപുരം: കെ.എസ്.യു നടത്തിയ സെക്രട്ടേറിയറ്റ് മാര്‍ച്ചില്‍ സംഘര്‍ഷം.
സംഘര്‍ഷം നിയന്ത്രിക്കാന്‍ പൊലിസ് എട്ടുതവണ ജലപീരങ്കി പ്രയോഗിച്ചു. നിരവധി പ്രവര്‍ത്തകര്‍ക്ക് പരുക്കേറ്റിട്ടുണ്ട്. ഇതില്‍ പ്രതിഷേധിച്ച് പ്രവര്‍ത്തകര്‍ റോഡ് ഉപരോധിച്ചു. ഇന്നലെ ഉച്ചയ്ക്ക് ഒന്നരയോടെയാണ് കെ.എസ്.യു പ്രവര്‍ത്തകര്‍ പ്രകടനമായി എത്തിയത്.
എന്‍.എസ്.യു അഖിലേന്ത്യാ പ്രസിഡന്റ് നീരജ് കുന്തന്‍ ഉദ്ഘാടനം ചെയ്തു.
കെ.എസ്.യു സംസ്ഥാന പ്രസിഡന്റ് കെ.എം അഭിജിത്ത് അധ്യക്ഷത വഹിച്ചു. ഭരണഘടനാ സ്ഥാപനമായ പി.എസ്.സിയെ തകര്‍ക്കുന്ന സമീപനം സര്‍ക്കാര്‍ അവസാനിപ്പിക്കുക, ഉദ്യോഗാര്‍ഥികളോട് നീതി പുലര്‍ത്തുക, എസ്.ആര്‍ മെഡിക്കല്‍ കോളജിലെ വിദ്യാര്‍ഥികളോട് നീതി പാലിക്കുക തുടങ്ങിയ ആവശ്യങ്ങള്‍ ഉന്നയിച്ചായിരുന്നു സമരം.