അമൃത്‌സര്‍: വിജയ് ഹസാരെ ട്രോഫിയില്‍ കേരളത്തിന് ജയം. ഇന്നലെ നടന്ന മത്സരത്തില്‍ ആറുവിക്കറ്റിന് ആന്ധ്രാപ്രദേശിനെയാണ് കേരളം തകര്‍ത്തത്.
ഓപ്പണര്‍ വിഷ്ണു വിനോദിന്റെ (139) സെഞ്ചുറിയാണ് കേരളത്തിന്റെ വിജയത്തില്‍ നിര്‍ണായകമായത്. മലയാളി താരം സഞ്ജു സാംസണ്‍ പൂജ്യം റണ്‍സിന് പുറത്തായി. ആദ്യം ബാറ്റ് ചെയ്ത ആന്ധ്രയെ കേരളം 50 ഓവറില്‍ ആറു വിക്കറ്റിന് 230 റണ്‍സിന് പിടിച്ചുനിര്‍ത്തുകയായിരുന്നു.
റിക്കി ഭൂയിയുടെ (58) അര്‍ധ സെഞ്ചുറിയാണ് ആന്ധ്രയെ ഭേദപ്പെട്ട സ്‌കോറിലെത്തിച്ചത്. ര@ണ്ടു വിക്കറ്റ് വീതമെടുത്ത ബേസില്‍ തമ്പിയും സുദേശന്‍ മിഥുനുമാണ് കേരള ബൗളിങ് നിരയില്‍ മികച്ചുനിന്നത്. മറുപടി ബാറ്റിങില്‍ ക്യാപ്റ്റനും വെടിക്കെട്ട് ഓപ്പണറുമായ റോബിന്‍ ഉത്തപ്പയും (1) സഞ്ജുവും (0) പൂര്‍ണ പരാജയമായി മാറി. വിഷ്ണുവിന്റെ വണ്‍മാന്‍ ഷോ കേരളത്തെ വിജയതീരത്തെത്തിക്കുകയായിരുന്നു. 39.4 ഓവറില്‍ നാലു വിക്കറ്റിനു കേരളം ലക്ഷ്യം മറികടന്നു. 87 പന്തിലാണ് 13 ബൗ@ണ്ടറികളും ഒന്‍പത് സിക്‌സറുകളുടെയും അകമ്പടിയോടെ വിഷ്ണു 138 റണ്‍സ് വാരിക്കൂട്ടിയത്. ഈ വര്‍ഷം വിഷ്ണുവിന്റെ മൂന്നാമത്തെ സെഞ്ച്വറി നേട്ടമാണിത്.