പേരാമ്പ്ര: കെ.പി.സി.സി വര്‍ക്കിങ് പ്രസിഡന്റ് കെ. സുധാകരന്‍ നയിക്കുന്ന വിശ്വാസ സംരക്ഷണയാത്രയ്ക്ക് അഭിവാദ്യവുമായി മുസ്‌ലിം ലീഗ് പ്രവര്‍ത്തകരും. തുറന്ന വാഹനത്തില്‍ പ്രവര്‍ത്തകരുടെ അകമ്പടിയോടെ എത്തിയ സുധാകരനെ പച്ച ഷാള്‍ അണിയിച്ചാണ് ലീഗ് പ്രവര്‍ത്തകര്‍ സ്വീകരിച്ചത്. മുസ്‌ലിം ലീഗ് മണ്ഡലം ട്രഷറര്‍ ആവള ഹമീദ്, പഞ്ചായത്ത് ലീഗ് പ്രസിഡന്റ് പുതുക്കുടി അബ്ദുറഹ്മാന്‍, മണ്ഡലം സെക്രട്ടറി ടി.പി മുഹമ്മദ്, യൂത്ത് ലീഗ് പഞ്ചായത്ത് പ്രസിഡന്റ് ആര്‍.കെ മുഹമ്മദ്, കെ.പി റസാഖ്, വി.കെ കോയക്കുട്ടി, കെ.പി യൂസുഫ്, കെ.സി മുഹമ്മദ്, ഹാഫിസ്, നിഷാദ് എന്നിവര്‍ നേതൃത്വം നല്‍കി.