കൊല്ലങ്കോട്: പല്ലശ്ശന തൂവ്വാങ്കോട് ആളൊഴിഞ്ഞ പറമ്പില്‍ ചന്ദമരം മുറിച്ച് മാറ്റുന്നതിനിടെ ഒരാളെ അറസ്റ്റ് ചെയ്തു. വെമ്പല്ലൂര്‍ മുരിങ്ങമല പരിയാരത്ത് വീട്ടില്‍ സുന്ദരന്‍(47)ആണ് അറസ്റ്റിലായത്. ചൊവ്വാഴ്ച്ച പകല്‍ രണ്ട് മണിയോടെ വനംവകുപ്പ് ഫീല്‍ഡ് പരിശോധനയില്‍ ഏര്‍പ്പെട്ടപ്പോഴാണ് അറസ്റ്റിലായത്. ശ്രീകൃഷ്ണപുരം സ്വദേശികളായ രണ്ട് പേര്‍ ഓടി രക്ഷപ്പെട്ടു. ചന്ദനം തടികള്‍ കഷ്ണങ്ങളാക്കുന്നതിനിടെയാണ് സുന്ദരനെ വനം വകുപ്പ് ജീവനക്കാര്‍ പിടികൂടിയത്. സെക്ഷന്‍ ഫോറസ്റ്റ് ഓഫിസര്‍ വി.എ സതീഷ്, ബീറ്റ് ഓഫിസര്‍മാരായ വി മണികണ്ടണ്ഠന്‍, കെ. സുരേഷ്, ചേര്‍ന്നാണ് സുന്ദരനെ അറസ്റ്റ് ചെയ്തത്. പ്രാഥമിക നടപടികള്‍ക്ക് ശേഷം സുന്ദരനെ ചിറ്റൂര്‍ കോടതിയില്‍ ഹാജരാക്കി.